Plan estratéxico

O Plan Estratéxico da AFA constitúe un instrumento fundamental para orientar o desenvolvemento da Asociación nos vindeiros anos. Debuxa a nosa visión, define os obxectivos principais e establece as accións prioritarias para seguir medrando como entidade referente no ámbito da formación permanente das persoas maiores.

Visión

Ser unha asociación dinámica, recoñecida pola súa contribución ao envellecemento activo, á cultura universitaria e á participación cidadá das persoas maiores.

Misión

Ofrecer actividades formativas, culturais e sociais de calidade que favorezan a aprendizaxe continua, a autonomía persoal e a integración activa na vida universitaria e comunitaria.

Proceso de elaboración

O plan foi construído mediante un proceso participativo:

1. Formación dun grupo de traballo integrado por membros da Xunta.
2. Análise interna e externa da realidade asociativa: fortalezas, debilidades, oportunidades e riscos.
3. Consulta activa a socios/as, colaboradores/as e persoas usuarias.
4. Identificación dos retos de futuro e das prioridades estratéxicas.
5. Definición das liñas de acción para catro anos.

Liñas estratéxicas principais

• Fortalecemento da participación activa dos socios.
• Ampliación e diversificación das actividades culturais, formativas e sociais.
• Impulso a programas de saúde e benestar para persoas maiores.
• Creación de redes de colaboración con entidades locais e universitarias.
• Mellora continua da xestión interna e da comunicación.