RESOLUCIÓN REITORAL DO 30 DE XUÑO DE 2021 POLA QUE SE PUBLICA A
CONVOCATORIA DE INSCRICIÓN E MATRÍCULA NO PROGRAMA PARA MAIORES DA
UNIVERSIDADE DE VIGO PARA O CURSO ACADÉMICO 2021/2022.
En virtude dos acordos tomados na reunión do Consello de Goberno da Universidade de Vigo
realizada o 23 de xuño de 2015 e as competencias conferidas polos Estatutos da Universidade de Vigo
(DOG do 22 de febreiro de 2019), esta reitoría RESOLVE:
Publicar a convocatoria de inscrición e matrícula no Programa para Maiores da Universidade de Vigo
para o curso académico 2021/2022, suxeita ás seguintes normas:
Primeira: CICLO INTENSIVO Titulado Universitario/a en Cultura e Sociedade
1.- INSCRICIÓN NO CICLO INTENSIVO
1.1.-Solicitantes
Poderán solicitar a inscrición no ciclo intensivo da titulación “titulado universitario en Cultura e
Sociedade” as persoas con idade igual ou superior a 55 anos. O número máximo de alumnado que
poderá ser admitido no primeiro curso será de 30 persoas en cada un dos campus. Non é preciso ter
ningunha titulación previa.
Se a demanda supera a oferta de prazas o sistema de selección será por orde de inscrición. En caso de
que quedasen prazas sen cubrir, poderase admitir alumnado con idades inferiores a 55 anos, pero en
ningún caso inferior a 50 anos.
A idade mínima dos 55 ou 50 anos aplicarase na data de finalización do prazo de inscrición.
1.2 .-Procedemento de inscrición
Formalizarase online, a través do enlace https://matricula.uvigo.es/loginX/login.asp, no prazo
establecido.
Rematado o proceso, publicarase a resolución da listaxe provisional de persoas admitidas e excluídas
xunto coas causas de exclusión e a listaxe de agarda. As persoas interesadas disporán dun prazo de
cinco días hábiles, que contarán dende o día seguinte á publicación, para presentar as alegacións que
consideren.
Unha vez revisadas as alegacións, publicarase a resolución da listaxe definitiva.
Todas as resolucións ás que se refire este punto publicaranse no taboleiro electrónico e na páxina web
da Universidade de Vigo.
Leer más………
TODA LA INFORMACIÓN EN:
https://www.uvigo.gal/estudar/que-estudar/programa-universitario-maiores.
PDF CON TODA LA INFORMACIÓN PARA DESCARGAR
Convocatoria de matricula Programa de Maiores curso 2021-22